AMILOIDOSE

1. DEFINICIÓN, TIPOS E CAUSAS

Definimos amiloidose como a enfermidade que ocorre cando unhas proteínas anormais chamadas amieloides, fabricadas polas células médula ósea, se depositan nalgún órgano. Afecta a diferentes órganos e hai diferentes tipos. O máis frecuente é que se produza nos seguintes: corazón, riles, fígado, bazo, sistema nervioso e tracto gastrointestinal.
Os tipos de amiloidose que existen son:

• Amiloidose Primaria: pode afectar a moitas áreas corporais, como as citadas no anterior parágrafo. Non está asociada a outras enfermidades, a excepción do mieloma múltiple que é un tipo de cancro da médula ósea. Non se coñece a causa exacta pero sábese que o sitio onde comeza é a médula ósea que produce proteínas como anticorpos que despois non é capaz de reciclar e que pasan ao sangue por onde transcorren ata que chegan a algún tecido onde se acumulan como amieloides. Así se dá o comezo da enfermidade.
  
• Amieloidose secundaria: como o seu nome indica, é secundaria, aparece con enfermidades como por exemplo a tuberculose ou a osteomielite. Afecta sobre todo a riles, fígado, bazo e ganglios linfáticos. Tratando a enfermidade subxacente pódese deter a súa progresión.
  
• Amieloidose hereditaria: adoita afectar a fígado, nervios, corazón e riles.

2. FACTORES DE RISCO

Entre os factores que incrementan o risco de padecer esta enfermidade atopámonos con que os máis destacados son:

1. A idade, pois aparece con máis frecuencia en persoas maiores de 60 anos.
   
2. A existencia de enfermidades crónicas infecciosas ou inflamatorias (como a tuberculose ou o mieloma múltiple).
   
3. Antecedentes familiares, no caso de que a amiloidose sexa de tipo xenético.
   
4. Diálise renal, pois esta non é capaz de eliminar as grandes proteínas que circulan polo torrente sanguíneo, polo que hai máis risco de acumulación de amiloides nos órganos e que se desenvolva así a patoloxía.
   

3. SÍNTOMAS DA AMILOIDOSE

A sintomatoloxía desta doenza varía segundo o órgano que se ve afectado, así, dependendo de a onde afecte esta enfermidade terá uns ou outros síntomas. Facendo unha mistura dos principais síntomas en cada área afectada, atopámonos con que os principais síntomas son : ritmo cardíaco anormal, inchazón lingual, cansazo, entumecemento de mans e pés, dificultade respiratoria, cambios na pel, problemas ao tragar o alimento, perda de peso, diminución do gasto urinario, dor articular,...

4. DIAGNÓSTICO

Diagnosticar esta enfermidade é complexo, pois hai un amplo abano de síntomas e signos debido ás diferentes zonas ás que pode afectar. Así, a única forma de confirmar o diagnóstico tras a sospeita de que o paciente poda padecer amiloidose, é coa realización dunha biopsia que tinguiremos con vermello Congo e mirando se co microscopio podemos observar unha birrefrixencia de cor verde característica do propio amiloide. As mellores localizacións para facer a biopsia son a graxa abdominal e a mucosa rectal, ademais de outras menos eficaces ou accesibles coma encías, pel, nervios...

5. TRATAMENTO



Debemos aplicar distintos tratamentos segundo o tipo de amiloidose que contraera o paciente.
-Para tratar a amiloidose primaria, podemos utilizar axentes de quimioterapia coma o melfalán ou a ciclofosfamida e a dexametasona que é un corticoesteroide usado como antiinflamatorio ou ser receptores dun transplante de células nai de sangue periférica. Ademais estanse poñendo a proba outros tratamentos experimentais que consistirían en quimioterapia parecida á aplicable na loita contra un cancro.
-Para tratar a amiloidose secundaria debemos combater a enfermidade subxacente canto antes para eliminar a amiloidose secundaria a esa enfermidade.
-No caso da amiloidose hereditaria, o máis común é un transplante de fígado xa que nel se atopa a proteína que causa este tipo de amiloidose.



Fontes:

https://www.nlm.nih.gov/medlineplus/spanish/ency/article/000533.htm

http://amiloidosis.org/

http://www.institutferran.org/amiloidosis.htm

http://www.cun.es/enfermedades-tratamientos/enfermedades/amiloidosis

http://sisbib.unmsm.edu.pe/BVRevistas/spmi/v09n3/trab_orig.htm